12 mahats eta...

Eta...zer? Oraindik ez dakizue zer jango duzuen urtats edo urte zahar gauean?Antxeta Irratian bihar luzatuko dizkizuegu pare bat ideia. Sukaldari bat izango dugu artean. Ohizko sukaldaritza, sukaldaritza modernoa, euskal ohiturak, gaueko parrada ala kantu afaria etabat luze bat izango dugu aipagai.
Horrez gain, "Urraska" agerraldiaren berri emango ditu, Aintzina elkarteko kide batek. Urtarrilan aurkeztu dute ikusgarria. 1910 eta 1960 urte tartean, Euskal Herrian kontaturiko aipatzen da bertan. Dantza eta kontakizun askoren bidez. Interesgarria dudarik gabe.
Beraz inolako zalantzarik, bihar ere, piztu Antxeta Irratia!

Ipuinak entzungai!

Datorren aste honetan, ipuinak izango ditugu entzungai Antxeta Irratian. Ez dira nola nahiko ipuinak izango. Xan Errotabere kontalariak eskainiko dizkigu. Haurrei zuzenduak izango dira, baina helduek ere, asko ikasi dezakete beren bidez. Ipuinek ez baitute adinik, mugarik...Denek dugu amesteko eskubidea.
Dena dela, irratia entzun ezin dutenek, jakin dezatela, heldu den larunbatean, urtarrilaren 3an, kontaketa bereziak izango direla Miarritzeko liburutegian.
Horrez gain, urte zahar gaua aste honetan ospatuko dugunez, honen inguruko gertakari, kontaketa eta berriak izango ditugu aipagai Antxeta Irratian.
Beraz, egunerokoan errepikatuko dugu, entzun Antxeta Irratia!

111 Akademia aipagai

111 akademia izango dugu aipagai gaur Antxeta Irratian. Amaia Goikoetxea bertako kidea izango dugu gure artean, arratsaldeko 17:00etatik aurrera. Akademiaren berri emango digu, zer lantzen duten, zein helbururekin, zenbat kide diren, eta baita partaide izateko zer egin behar den ere. Aurrerapen gisa, esan dezakegu, euskal literaturzaleen topagune txiki bat dela. Izan irakurle ala idazle, aukera dago bertako kide izateko.
Horrez gain, Loiola irratikoek, asteburu honetan Gipuzkoan nagusituko diren hitzorduen berri emango digute, baita guk beraiei Lapurdikoen berri ere.
Gisa honetara, aipagai hauekin beraz, amaituko dugu astea gaur.

Iritsi da Gabon gau eguna!!

Antxeta Irratira ere iritsi da Gabon gau eguna! Arratsalde honetako Jalgi Hadi emankizunean, gabon hauetako euskal literaturgintzako izar produktuak zein izan diren jakin ahal izango dugu Mikel Arrizabalagako Elkar Fundazioko kideari esker. Haur literatura, musika, heldu literatura...izango ditugu aipagai!
Horrez gain, ipuin eder eta entretenigarri bat ere izango duzue entzungain.
Guzti hau eta are gehiago, arratsaldeko 17:00etatik aurrera. Hala ere, egueriko 13:00etan, eskualdeko aktualitatea izango dugu aipagai Iparrorratza emankizunean! Adi beraz!
Bihar aldiz, jai eguna egingo dugu! Guk ere merezi baitugu!
Gabon ziriontsuak eta urte berri on Antxeta Irratiko lan talde osoaren izenean!

Irunen ere, Bilgune Feminista!

Irungo Bilgune Feministak, joan den larubatean egin zuen taldearen aurkezpena. Oso polita izateaz gain, lanerako prest agertu ziren bertako kide guztiak. Irungo ospital zaharrean izan zen agerraldia, baina zaharretik gutxi zegoen bertan. Euskal Herriko emakumeen eskubideen karta eskuetan hartu eta aurrera egiteko prest agertu ziren. Eskubideak banan-bana jorratu eta berdintasunera iristeko helburua dute. Bai behintzat saiakera egiteko nahia.
Borroka feministak aintzin urrats garrantzitsu bat eman du beraz. Eta horixe bera izango dugu aipagai gaur Antxeta Irratian. Irungo Bilgune Feministako kideak izango ditugu gurean, beren erroka, xede eta nahiak ongi azaltzeko.
Beraz adi!!! Arratsaldeko 17:00etan, Jalgi Hadi emankizunean izango baita!

Programazio aldaketak

Antxeta Irratian ere gabonak ospatzen ditugu? Nola? Jende gehienak bezala oporrak hartuz! Eta zein da horren ondorioa? Programazioan aldaketak egoten direla.
Iparrarrotza izango da emankizun izarra, egueriko 13:00etatik, 14:00etara. Bertan metatuko ditugu gure indar guztiak, eskualdeko aktualitatearen berriz, euskaraz ukan dezazuen.
Dena dela, Euskal Irratien programazioak berdin jarraitzen du. Goiz Berri entzun ahal izango duzue goizero, eta baita Jalgi Hadi ere, arratsaldero, besteak beste noski.
Gainera, heldu den astelehenean, Olentzero etorriko da gure estudioetara eta entzuleekin, hitz egin ahal izango du.
Beraz adi!!

KorRikaaaa!!!!!!!!

Hamaseigarren aldiz, zeharkatuko dugu Euskal Herria korrika. Bai, 16.edizioa ospatuko du Korrikak, heldu den urte hasieran.
Horixe izango dugu aipagai bihar Antxeta Irratian. Edurne Brouard, azken urteetan ekimenean buru belarri ibili den kideak, xehetasun guztiak kontatuko dizkigu.
Nola antolatzen den, zein helbururekin, lekukoaren inguruko anekdota guztiak...Oso interesgarria izango da. Emozioz beterikoa. Iragana eta etorkizuna uztartuko ditugu elkarrizketa baten bidez.
Entzuteak merezi izango du dudarik gabe.
Gainontzean, Gatibu taldearen azken lana ere izango dugu aipagai, "Laino guztien azpitik, sasi guztien gainetik". Oso izen polita.
Eta hala jarraitzen dugu Antxeta Irratian, laino guztien azpitik, baina sasi guztien gainetik...
Gora Herri Komunikabideak!

Azkenean, kontsumoa aipagai!

Esan bezala, azkenean asteartearekin aipatuko dugu kontsumoa Antxeta Irratian, gaur beraz.
Arratsaldeko 17:00etatik 18:00ak bitarte, AKUBI, Irungo kontsumo bulegoko kide bat sartuko da zuzenean, eta kontsumitzaileen eskubide zein betebeharrak izango ditu hizpide. Horrez gain, han eta hemen entzuten den krisia dela eta, etxetik atera aintzin, zerrenda bat egiteak, zenbaiterainoko lagundu dezaken aipatuko digu. Hala, finkaturiko aurrekontua errespatatzea errazagoa baita.
Horrez gain, psikopedagoga baten laguntza ere izango dugu. Opariak erosterako orduan, kontatun hartu beharreko elementu eta ezaugarriak zerrendatuko dizkigu besteak beste. Ez baita erraza izaten, eta askotan haurrentzako desegokiak diren jolasak erosten baititugu!
Adi beraz, eta piztu irratia, piztu Antxeta Irratia!

Astelehena eta kirola...

Kirol emaitzen eguna izan ohi da astelehena komunikabide gehienetan, Antxeta Irratian ere eskaintzen diegu tarte berezia eskualdeko taldeei. Baina berezienetan bereziena, gure izenean jolasten duen futbol taldearentzat gordetzen dugu. Asteburu honetan egin dutenaren berri, arratsaldeko 18:15tan izango dugu.
Baina irrati libre oro bezala, elkarteei ere hitza ematen diegu guk. Hala, Hendaiako ACE talde ekologistako kideak ere, izango ditugu gure artean.
Beraz adi!
Horrez gain ez ahantz gabonak direla eta, kontsumoa izango dugula aipagai aste honetan!!!!

Kontsumo aholkuak zuzenean!

Hendu den astean, gabonak gaineran izango ditugunez, aholkularitza berezia izango dugu Antxeta Irratian. Alde batetik, Irungo kontsumitzaile bulegoko kide bat izango dugu estudioetan, zer eta nola kontsumitu dezagun aholkatzeko. Bestetik, psikologo eta pedagogoen laguntza ere, ez zaigu faltako. Gabon garaiak, gugan izaten duen eragina azalduko digu psikologo ezagun batek, eta psikopedagogak aldiz, aurrenganako jokaerak, eta erosketa moduak, nolakoa izan behar duen zehaztuko digu, besteak beste. Eskualdean ezagunak diren hiru pertsona aditu izango ditugu estudioetan beraz, bakoitza egun banatan.
Ezer gehiago gehitu eta aurreratu gabe, egunerokoa errepikatuko dugun, PIZTU eta ENTZUN Antxeta Irratia!

Gabonetan ere aurreztu!

Lelo honekin aurrera jarraitzen dute Bidasoa eskualdeko Irun,Hendaia eta Hondarribiako herriko etxeek. Hala, aurten ere, kontsumo apaleko argiak jarriko dituzte gabon garaian. Hondarribian, joan den astean hasi ziren pizten. Irunen eta Hendaian aldiz, itzalirik dauden oraindik. Ez dira egun asko faltako pizteko ordea.
Dena dela, iritziak-iritzi, goiz deritzot. Abendua hasieran pizteak, ilusioa itzaltzen du azkenean. Eta heurek kontsumo apaleko argiak jartzen badituzte ere, hain goiz pizturik, kontsumitzeko ispiritua pizten dute. Hori al da krisiari aurre egiteko modurik egokiena? Ez naiz ekonomilaria eta ez daukat horretarako erantzunik. Auskalo ezta?
Dena dela, gaur arratsaldeko Jalgi Hadi emankizunean, Mikel Errazkini egingo zaion omenaldia izango dugu aipagai. Hondarribian izango da, larunbata honetan. Xehetasun gehiago nahi izanez gero, badakizue, piztu Antxeta Irratia!

Mikel Errazkini omenaldia!

Antxeta Irratira ere, iritsiko da Olentzero

Bai, bai, hala da, Antxeta Irratira ere etorriko da Olentzero!!!Hendaiako kaleetan barrena ibiliko da datozen egunetan eta abenduaren 24an, arratsaldeko 17:00etatik aurrera izango dugu gure estudioetan, beraz edonork hurbildu nahi izanez gero, aurrera!!!
Gainontzean, hirigintza plana nagusi Hendain aste osoan zehar! Auzoz auzoko bilerak egiten ari da udal taldea, alkatea tarteko, bizilagun guztien iritzi, nahi eta kritikak biltzeko.
Urrats finkoak eman nahi ditu aurrera udalak, hiritarren babes eta oniritziarekin! Ez dago gaizki, hiritarrek parte hartu beharko dute orain!!!
Ba tira, bihar izango dituzuze Antxeta Irratiaren inguruko berri gehiago!!

Gazte Eguna asteburuan

Gaur, heldu den larunbatean Irunen izango den Gazte Eguna izan dugu aipagai Antxeta Irratian.
Goizean goizetik deitu ditu hitzorduak Gazte Asanbladak eta jakinarazi dutenez, bazkarirako txartelak, osteguna bitarte izango dira salgai ohiko lekuetan... Ongi pasatzeko aukera izango da beraz larunbata honetan Irunen.
Horrez gain, joan den asteburuan Ficoba erakustazokan burutu den komiki eta Gabonetako azokak, arrakasta itzela jaso du. Asko izan dira beratik pasa diren gazte, guraso eta haurrak. Izan ere, denbora gainean dugu, GABONAk hortxe daude.
Bestalde, jakin ezazue, datozen egunetan, Mikel Errazkin egingo zaion omenaldia izango dugula aipagai irratian.
Besterik ez, adi, eta beti esan ohi dugun bezala, piztu irratia.

Musikaren munduan ere arazoak...

Atzo aurreratu bezala, polemika eta arazo larria piztu da euskal musikarien munduan. Eusko Jaurlaritzako sail batek, 702.000 euro eman baitizkio Kepa Junkerari bere azken proiektua egin ahal izateko.
Diru kopuru hori da hain zuzen, Eusko Jaurlaritzak berak, euskal musikarien artean, hiru urtez banatzen duena. Honen inguruan hitz egiteko, Joseba Tapia etorriko da Antxeta Irratiko estudioetara.
Horrez gain, bihar, Durangoko azokaren 43.edizioan abiatuko dela eta, bertan izango gara, zuzenean emititzen, Euskal Irratien Federazioarekin batera...
Beraz egunero bezala, adi!!!

Itsasoratzera goaz!

Halaxe dio, Behe Bidasoako Hitza sortzearen hastapeneko kanpainak. Orain dela hilabete abiatu zuten gutxi gora behera eta urtarrilan ikusiko du argia lehen aldiz egitasmo bikain honek.
Bertako Hedabideak-ek sortzen duen zortzigarren hitza proiektua izango da, Behe Bidasoa eskualdeko bizilagunek esku artean izango dutena.
Ainara Lasa, izango dugu Antxeta Irratian, proiektuaren inguruko xehetasun guztiak azaltzeko.
Horrez gain, gaztesarea.net komunikazio proiektuko Koldo Otalemdi izango da gurekin, Durangoko azokan jartzen dituzten hiru stand-en berri emateko. Izan ere, diskarik ateratzeko dirurik ez duten taldeei, beren lanak Durangoko azokan aurkezteko aukera eskaitzen die gaztesarea.net-ek.
Besterik ez gaurkoz, bihar gehiago!

Abenduaren 3a, Nafarroa eta euskararen eguna

Euskara eta Nafarroaren eguna dugu biharkoa! Zorionak beraz euskaldun orori! Peio Etxeberri Entxart historialariarekin hitz egin dugu Antxeta Irratian, eta historikoki azaltzek, oso egun konplexua dugu biharkoa. Nafarroa, Euskal Herri osoa da askorentzat, beste batzuentzat aldiz, Nafarroa lurraldea bera...benetan zaila!
Euskararen eguna ere ospatzen da esan bezala. Biak batera ospatzeak, historikoki loturarik ba ote duen galdetu diogu Peiori. Galdera honi eta beste askori erantzun dio Peio Etxeberri Entxartek.
Beraz gure herri zorgarri honen inguruko historia gehiago ezagutu nahi izanez gero, entzun egunero bezala, Antxeta Irratia!!!!

Doluminak....

Doluminak, doluminak familiari eta doluminak oro har euskal kultura eta kantagintza guztiari. Mikel Laboa zendu dela eta, emankizun bereziak izan dira han eta hemen, komunikabide gehienetan. Antxeta Irratian ere hala egin dugu. Gonbidatu bereziak izan ditugu gure artean. Hala ere, pena da. Pertsona hil ostean hasten gara horren inguruko gauza on eta maitagarriak esaten.
Gainontzean oso aste berezia izango dugu. Ostegunean Joseba Tapia izango dugu gure estudioetan. Eusko Jaurlaritzak Kepa Junkerari luzaturiko diru zama handia dela eta, polemika handia piztu baita euskal musikari eta abeslarien artean.
Besterik ez, beraz egunero bezala, adi, eta piztu Antxeta Irratia!

Hendaiako Herriko Etxea euskaraz...

Hala da bai, gaur ostirala, azaroaren 28a, Hendaiako Herriko Etxeak, bere web gune ofiziala euskaratzeko apostua egin du. Lehena izan zen euskara teknikari bat kontratatzen, prentsa zerbitzua eta beste hainbat kontu euskaraz helarazi ahal izateko, eta lehen izan da ere, web orrialdea euskaratu duena.
Prentsaurrekoa eskaini zuten joan den asteartean eta gaur sartuko da zuzenean alkatea, eguerdiko 13:00tan Iparrorratza saioan. Lehena diogunean, Ipar Euskal Herriko eremura mugatzen gara.
Aintzindaria da beraz...Asko izango ote dira gibeletik jarraituko diotenak?
Horrez gain, arratsaldeko 17:00etan, Jone Josie etorriko da gure estudioetara. Kontseiluko kidea da bera, eta erakunde honek abenduaren 13rako Bakarakoldoko BEC-en deitu duen hitzorduaren inguruan hitz egingo digu. "Bai Euskal Herriari" izan da orain arteko ekimena, eta "Euskaraz Bai" da etorkizunekoa.
Guk ere, Euskaraz Bai diogu!

Solidaritatea...

Solidaritatea, horixe da gaur arratsaldean, Jalgi Hadi emankizunean hizpide izango duguna. Ipar Ameriketara begira jarriko gara, bertako OLPC eragileari begira hain zuzen. XO ordenagailuak sortu dituzte. Zer diren? Kontua da, halako bat erosiz gero, automatikoki beste XO ordenagailu bat igortzen zaiola, herrialde txiro bateko haur bati. Proiektu interesgarria benetan. Honen inguruko xehetasunak luzatuko dizkigu, informatikan aditua den Igori Leturiak. Aditu izateaz gain, berak halako bat baitu, XO ordenagailu bat alegia.
Bihar aldiz, emankizun berdinean, Jaldi Hadi saioan, Jone Josie, Kontseiluko kidea izango dugu gure artean. Honek, abenduaren 13rako deitu duten hitzorduaren berri emango digu!
Honen bestez, bihar arte! Eta piztu Antxeta Irratia!

Gaur Antxeta Irratian

Gaur, Keu bakarlariarekin hitz egingo dugu Antxeta Irratian. Rock talde askotan ibilia da Ondarrutarra, eta oraingo honetan, bakarkako bideari ekitea otu zaio. Horren inguruko esperientzia azalduko digu!
Horrez gain, Durangoko diska eta liburu azoka izango du hizpide! Dagoeneko aste eta erdi besterik ez baita gelditzen azokaz eta bere eskaintza kulturalaz gozatu ahal izateko. Azokako zuzendaria izango dugu gure artean!
Hotza da nagusi Bidasoa eskualdean eta baita Euskal Herri osoan ere, beraz, ez da irratia entzuteko une egokia? Kafe eta edari bero bat eskutan hartu, berogailua edo tximinea piztu eta irratia piztu!
Bihar izango ditugu berri gehiago!

Barkatu...

Barkamenak eskatu beharrean nago irakurle orori, joan den astean desagerturik egon bainintzen. Lan asko izan dugu irrati bedeinkatu honetan eta nire osasuna ere, nola hala ibili da. Batean ongi eta betean gaizki.
Baina tira, aurrera egiten dugu. Larunbatean, gure izenean jolasten duen football taldearekin bazkaldu genuen. Gure izen ona lau haizeetara hadatzen duen mutil taldeari eskerrak eman beharrean gaude, gurekiko konpromezuaz gain, irabazi besterik ez baitute egiten! Zorionak zuei!
Gainontzean, berri ugari izango ditugu aste honetan! Durangoko azokaren inguruan prentsaurrekoa eskainiko dute asteazkenean eta ondoren, gurera, Antxetara etorriko dira antolatzaileak. Beraz adi! Baina ez da ez, landuko dugun gai bakarra izango! Frantziako alderdi sozialista krisi betean dagoen unean, Hendaian Segolène Royalen aldekoek nabarmen irabazi baitute, berak ez ordea...Zer gertatuko da orain? Zorionez, guk Euskal Herrian jarraitzen dugu! Irrati honen bidez, euskara sustatzen!

Urrezko domina, urrezko musikari bati

Gipuzkoako Foru Aldundiak, Mikel Laboari luzatu dio aurtengo urrezko domina. Ongi mereziriko domina gainera. Zenbat ote dira gibeletik heldu garen belaunaldiei utzitako abestiak. Zenbatu ezinezko ondarea dugu!
Antxeta Irratian, miresmen begiekin so egiten diogu Donostiarrari, ez dugu eskualdekoa, baina kilometro gutxitako distantzia hori desagertu egiten da.
Gehiegi luzatu gabe, ZORIONAK ZURI Mikel!

Txotxongilo egunak abian!!!

Txotxongilo egunak asteburu honetan abiatuko dira! Akelarre elkarteak, Hendaiako udalaren eta Euskal Kultur Erakundearen laguntzarekin, XIX.edizioa hasiko dut azaroaren 15an. Urtetik urtera oso ezaguna egin den hitzordua dugu hau. Euskal Herri osoko txotxongilo taldeak etortzen dira Hendaiara. Ikasleei zuzenduriko ikuskizunak daude eta baita ate irekikoak ere. Esango nuke, merezi duen hitzordua dela.
Sarrerak hartzeko lasai egon zaitezte, aldez aurretik erosi ezinez ere, egunean bertan egoten baita horretarako aukera.
Bestalde, Real Unionen garaipena da nagusi gaur Bidasoa eskualdean...baina tira, nahiago dut ez sobera aipatu, han eta hemen entzuten den kontua baita egun...
Hala ere, nola ez zorionak etxekoei!

Korrika ala oinez?

Korrika baino, oinez amaitu zuten atzo gehienek. Behobia Donostia lasterketaz mintzo naiz. Milaka pertsonek emana zuten izena eta milaka izan ziren hitza bete zutenak. Kanpoko aldetik ikusirik ordea, desoreka handia nabari zen. Alde handiegia dagoela deritzot, lehenengotik anzekenera. Baina tira, desorekak alde guztietan daudenez, ezin nahi duen orori parte hartzeko eskubidea kendu ezta?
Bestalde, Akelarre elkarteak entolatzen duen Txotxongilo jaialdia izango da nagusi gaur Antxeta Irratian, eta baita Jalgi Hadi, Euskal Irratietako kultura emankizunean ere...
Adi beraz! Nire partetik laster arte!!

Hirigintza plana eztabaidagai Hendaian...

Hala da bai, udal gobernu berriak, aintzineko taldearen hirigintza plana zalantzan jarri eta beste bat osatu nahian dabil. Orain artekoa, oinarritzat hartu eta egokitzen joan dira. Bidea hasi besterik ez dela azpimarratu zuen bart gaueko hiriko kontseiluak, Salaberri auzapezak. Urte oso bateko plangintza antolatu dute hirigintza plan berria osatzeko. Bihar Hendaia herri plataformako Iker Elizalde izan zen, azken hitza herritarrena dela azpimarratu zuen bakarra, guztiari amaiera, herri galdeketa batek eman beharko liokeela esanez. Oposizioan egoteko errola, oso barneraturik du aldiz, Kotte Ezenerrok, orain arteko alkateak...Hendaiako udal batzarrak baino, ez dakit nik nongo legebiltzar iskanbilatsua zirudien horrek...Eztabaida unea da oraingoa eta hemendik urte batera jaso ahal izango dugu emaitza!

Halako egunik gabe...

Halako egunik gabe, zoriontsu izango ginateke nik uste...a zer nolako sustoa hartu genuen atzokoan ere...izendatzeak ere, deskribatzeak ere, oilo ipurdia jartzen digu...baina tira...aurrera jarraitu beharrean gaude!
Badirudi, euria dugula lagun gaur ere. Hitzordu asko ditugu azken egun hauetan eskualde honetan baina Iparraldeko bertsolarien txapelketak hartzen du gain. Harro diogu gainera, Hendaiak ordezkaritza zabala izango duela bertan, baita Urruñak ere...zerbaitengatik izango da ezta?
Azaroaren hamabostean dugu hitzordua denok, Donibane Lohitzuneko Jai Alaien!

Eguraldia lagun...

Eguraldia lagun izango bagenu...zenbat gauza egiteko gai izango ginateken ezta?? Hala ere, irratia pizturik ukateko eta entzuten egoteko noski ,aukera egokia da ezta?Adi egon zaitezte, Biriatuko bestak abiatzea baitaude eta horren inguruan asko hitz egingo dugu Antxeta Irratian. Tripotx jana, trikitixa, besta, hotza eta berriz ere tripotxa jana....
Hala ere, astea hasi berri dugu eta ezin esan, krisi ekonomikoak eta gestio txarrak eragindako aztarnak ezabatu direnik. Egoki enpresako langile ohiek, kale gorrian jarraitzen baitute noski... eta orain zer?
Ea datozen egunetan xehetasun gehiago izaten ditugun hemen helarazteko...

Zoritxarra , eta zoriona, albiste on eta txarrak

Asteak aurrera jarraitzen du eta baita guk ere noski. Baita Antxeta Irratiak ere, alegia. Aste honetan, EGOKI enpresa nagusitu da gure uhinetan. Ehun langile, familia azken finean, kale gorrian gelditzekotan daude. Deus irabazi gabe lan egin dute azken hilabeteetan eta azkenean, mobilizazioak egitea erabaki dute. Irunen jarraituz, Algon enpresak ere, sei langile kaleratu ditu azken egunetan. Aste beltza benenetan. Eta kolore berdinez jantziko ditu Irungo kaleak, Santiagoko Deabruak elkarteak, larunbata honetan, urtero lez, izuaren ibilbidea ekitaldia antolatu baitu.
Irun gora behera gabiltza baina jakizue, Hendaia eta Hondarribiak ere, bizirik jarraitzen dutela...kar, kar, kar...
Tira, bihar izango ditugu berri gehiago...Ah!! ez ahantz, igande honetan, Urdiñarben, Iparraldeko Bertso Xapelgoaren hirugarren kanporaketa lehiatuko dela. Izan ere, bertan izango dira, Egoitz Zelaia, Krisitiñe Txoperena eta Miren Artetxe Hendaiarrak...Gora Hendaia!

Amaitu da mendia, alde egin du eguzkiak...

Mediexpo azokak, bere bosgarren edizoko ateak itxi bezain laster alde egin du eguzkiak. Urterik urtera geroz eta jende gehiago hurbiltzen da Ficobara, mendia eta bertara joateko materialaren berri ukatera. Eguraldia ere, lagun izan du aurten azokak. Antolatzaileek diote, ez dakitela zer nahiago duten. Eguraldi ona, txarra ala ertaina. Onarekin, jendeak kalean, parkean edo mendian egon nahi izaten baitu, txarrarekin aldiz etxean. Ertainarekin ordea...berdin izaten zaigu.
Edurne Pasaban mendizale Tolosarra elkarrizketatzeko aukera izan nuen atzo, igandearekin. Oso neska interesgarria benetan. Heldu den urterarte zain egon beharko dugu...

Mendiexpo izango da nagusi asteburuan Behe Bidasoa eskualdean

Ficoba erakustazokak Mendiexpo azoka antolatu du bosgarren urtez jarrian. Bihar, larunbatarekin hasiko da eta igandean bertan amaituko da. Adi beraz mendizaleak, bi gonbidatu berezi izango baitira aurtengo edizioan. Edurne Pasaban da hoietako bat. Honek, igandean arratsaldeko 20:00tan eskainiko du hitzaldia.
Bada beste hitzordu garrantzitsu bat larunbatean. Irungo Lakaxita gaztetxeak ate irekiak antoltatzen ditu. Eskualdeko gizarte eragile asko gonbidatu dituzte eta pertsonalki joateko aukera ere badago. Beraz badakizue...zaila da asteburuko hitzordu guztiak aipatzea asko baitaude! Dena jakin nahi izanez gero, sartu www.bidasoamedia.info web orrialdean...

Burua Madrilen oraindik...

Burua eta pentsamendua Madrilen ditut oraindik, hala ere, Bidasoa eskualdeko egunerokoak aurrera darrai. Irurnen antzerki jaialdiaren edizio berriari ekin diote, kale antzerkia izango da nagusi aste osoan zehar. Hitzordu politak nagusituko dira ziurrenik. Ea antzerkiaren batera, jendea ere kalera ateratzen den...
Gainontzean berri gutxi gaurko honetan...Nabarmendu eta zoriontzekoa, Maddalen Arzallusen garaipena eta bere sailkapena finalerako, ZORIONAK beraz Maddalen.
Gainontzean, deialdi berezi bat egitea gustatuko litzaidake, herri komunikabideen kontsumoaren aldekoa...hauek baitira gure tresnak...gogoeta egin ezazue otoi...

errepika ezina eta azaltzeko zaila....

Esan bezala, Madrilen izan naiz asteburuan, "Emakumeak eta Europako herri komunikabideak" izeneko lehen kongresuan. Itzela izan da. Sekulako da, Madrilen bertan herri komunikabideek duten sarean. Inbidia izan da nigan nagusitu den sentimendua ostiraletik igandera...eta ez da oraindik itzali. Euskal Herrian halako egoera, batasuna lortu eta sortu arte ez da itzaliko.
Bidea egiten lagunduko nauten neska eta mutilak aurkitu behar ditut.
Orokorrean, emakumeen egoera izan da aipagai asteburuan. Feminismoa oro har. Hor ere lan asko dago egiteko. Errokak daude gainditzeko eta betetzeko...hori oso argi gelditu zitzaigun bertan geunden neska eta mutil bakar batzuei. Baina ez gaitu etorkizunak izutzen, ez gaitu lan zamak beldurtzen. Errespetuz, lanerako gogoz adorez bete baitugu arima. Halaxe daude astelehen goiz honetan gure estudioak bulegoa eta bereziki uhinak...

Emakumeak eta irratia

Gaur arratsaldean bertan, Madrilera joan behar dut. Bertan, emakumek eta Europako herri irratien inguruko topaketa dago, ostiraletik larunbatera. Antxeta Irratia, herri irrati bat denez, edo agian hobeto ulertuko duzue "radio comunitaria" esaten baldin badut, ordezkari gisa joan behar dut. Irrati asko dira emakumeei zuzenduriko saioak egiten ditzutenak. Azken hamarkadan asko garatzen den saila da. Antxetan Irratian ere, badugu emazteei zuzenduriko emankizun bat, "Gonekin ero bero" izena du. Emakumeei zuzendurikoa eta emakumeek egiten dute. Horrek ez du kentzen gizonek entzun ezin dutenik. Entzun dezakete noski, eta jakinez gero, entzun beharko luketek.
Gaurtik hasi eta astelehena bitarte, kanpoan izango naiz beraz. Baina heldu den astelehenean bertan aipatuko dut, esperientzia nolakoa izan den. Dudarik gabe, aberasgarria izango delakoan nago....

Eman diezaiogun bultzada euskarari!!!

Irungo eta Hondarribiako euskaltegi, udaleko euskararen ordezkariek.....aurtengo mintzalaguna egitasmoa aurkeztu dute goizean. Zer den? Euskaldun zaharrek, euskaldun berri edo euskaltegiko ikasleei, mintzapraktika egiteko aukera eskaintzea. Astean zehar ordu bateko iraupena besterik ez du eskatzen. Bolondreski, fede honez egiten da. Euskaldun berriak laguntzeaz gain, euskarari berari ere, gure hizkuntza kuttun honi, sustengua ematen zaio kafetxo baten inguruan une goxo bat pasatuz. Beraz, inor animatuz gero, bere herriko euskaltegira joan besterik ez du egin behar.
Badago esanera zahar bat, nire ustez euskaldun guztiok kontutan hartu beharrekoa dena, "Hizkuntza bat ez da desagertzen ez dakitenek ikasten ez dutelako, dakitenek erabiltzen ez dutelako baizik"...

gaur astelehena....

Astelehena den honetan, berri gutxi bildu ditugu irratian. Kirol kontuak nagusiki! Etb 1en antzera orduan. Ea hemendik aurrera konparaketa hori egitea zailagoa bilakatzen zaigunEtb3ren sorrerarekin!!!
Antxeta Irratiaren aldeko futbol taldeak asteburuan zer egin duen jakin ahal izango dugu Kale Kantoian magazinean arratsaldeko 18:15 inguruan. Nik esango nuke irabazki egin duela gure taldeak. Hain fede honez jolasten dutenez....guztia hau, arratsaldean ere irratia pizteko esateagatik!!!
GORA ANTXETA IRRATIA!

Gaztain jana igandean!

Gaztain eta gaztain egunez hitz egin edo irakurriko dugu gaurko honetan. Izan ere, Irungo Santiagoko Deabruak elkarteak, bosgarren urtez jarraian, gaztain eguna antolatu baitu. Urriaren 12an ospatuko da aurten, igande honetan beraz. Goizeko 09:00tan jarri dute elkartzeko hitzorduan, beren elkartearen ate aintzinean eta egun osoan zehar, gaztain bila aritu ostean, arratsaldeko 17:3oak ailegatzean iritsiko eguneko unerik desiratuena. Sua piztu, gaztainak bertan sartu, tentuz zaindu eta ondoren jan. Orain arteko egunen egitarauari jarraituz, haurrek ere izango dute askaria jan ostean jolasteko aukera, haur jolasak ez baitira faltako.
Bien bitartean, aste hasieran aipatu bezala, gogoan izan gaur betetzen dituela Fikoba erakustazokak bost urte, beraz Zorionak!

Mugarriak Gaintxurizketan

Lezo, Hondarribia eta Irungo herriak banatzeko, mugarriak jarri zituzten atzo Gaintxurizketan. Aitor Kerejeta, Hondarribiako alkateak, Jose Antonio Santano Irungo auzapezak eta Hondarribiako landa garapenerako saileko zinegotziak parte hartu zuten ekitaldian. Polita izan zen oso. Mugarrietatik bi, Gregoriok berak eginak baitira. Brikomanoa dugu zinegotzia. Jatorra eta sinplea.
Euria ari zuen, sekulako zaparrada. Busti egin ginen batzuk, beste batzuk aldiz ez. Busti egin ginen sinpleak, ez besteak. Halako da bizitza...

Fikobak bost urte!

Datorren ostegunean, hilaren 9an, bost urte beteko ditu FICOBA erakustazokak. 2003.urtean sortu, eta azoka gune garrantzitsua bilakatu da eskualdean. Politikariak, pailazoak, musikariak, dantzariak, sukaldariak, ekologistak...ideologia eta bizimolde ezberdinetako jende asko pasa da hortik. Egia esan, ez dakit zergatik eta zertarako sortu zen, baina diotenez, porrot egin du hasierako egitasmoak. Eguneroko jarduera solido bat ukan zezan eraiki omen zuten eta ez hilabeterokoak.
Ez naiz detaileetan sartuko. Ni ados nago halako azpiegitura bat eskualdean eraikitzearekin, baina beti eman izan dit inpresioa, aski itxia dela. Bertara hurbiltzea zaila zaiola herritar arrunt bati. Alta, azoka eta hitzaldi interesgarriak antolatzen dituzte. Agian bost urte ez da nahikoa hurbiltasuna lortzeko...ez dakit...Ea ostegunean, komunikabide eta politikariez gain, zenbat jende hurbiltzen den ospakizun bestara....

Piztu Irratia

Antxeta Irratia, Behe Bidasoa eskualdeko euskarazko irratia!